Frohnleitner samma
April 1987
Im Vuikshaus zu Ostern des letzte Moi
is wiada zuagonga im kloanan Soi!
Bei der Vasommlung von di Auslondsfrohnleitnan
host as hearn kennan, wias streitn tan.
Samma Frohnleitner oda samma koani.
Des is goar net die Frog gonz alloani.
Fiar mi is oans gonz sicha gwiß;
Wer in Frohnleitn aufgwochsn is,
der sogt bestimmt: Nix streitn damma –
olles gonz kloar: Frohnleitner samma!
Und wann i wiada hoam eini foahr –
wia imma mindestens zwoamol im Joahr - ;
Zu Ostern, oda wann da Peter den Bock onsticht,
dann gfrei i mi wiarkli auf jedes Gsicht
des wos i kenn und hob a Freid,
dass i in Frohnleitn sein derf a kurze Zeit!
Es gibt nix Scheneres, i moan i tram.
Do klopft mei Herz: Daham is daham!
Dann trink mer an Wein oda a Puntigamer
und sogn vuller Stuiz: Frohnleitner samma!