Da Aufruaf
Juli 1984
In Frohnleitn, des is wirkli woahr,
do hot si ollahond don in die letztn Joahr!
Des komma am bestn im Moarkt obn segn
Und trotzdem muaß no ziamli füll gschegn!
Hiatzt bin i scho fost zwanz’g Joahr fort
aus meim liabn Heimatort.
Oba, wann i Frohnleitn von da Murseitn siach,
muaß i imma denkn: Mei, is des schiach!
D’Frohnleitner san so liabe Leit
und d’meistn san a noch recht gscheit.
Drum setzt’s eich zamman und tat’s enk riahrn:
Auf da Murseitn, do muaß wos passiern!
I sog eich oans: Es is nie zspät
und wann i mein Urlaub opfern tät;
I bleibat aa net dahoam sitzn
und tät eich kräftig unterstützn.
Egal, ob mit Oarbeit oda mit Göd.
Es is zwoar teia, kost’ oba net d’Wöd!
Und wann ma a bissl zamman hoit
Dann hamma’s boid!