Die Radlfoahrt
April 2004
Dass i amoi mit’m Radl noch Frohnleitn foahr,
hätt i mia im Leben net traman lossn, wirkli woahr!
I foahr jo schon imma gern durthin
und des moch i aa nur – kimmts ma in Sinn -,
wall i mit Leib und Söll a Frohnleitna bin!
Vur oanahoib Joahr han i zan Raachn aufghert;
des woar fir mei Gsundheit schon sakrisch vüll wert.
Des Gwicht is schnöll gstiagn, do han i mir denkt:
Des geht so net weida, des wird wiada gsenkt!
Do hot ma mei Frau a Foahrradl gschenkt.
Sou han i hoit mit’m Radlfoahrn ongfongan
und am Onfong is mir schon hoat ongongan!
Zerscht woarns nur fuffzehn bis zwanzg Kilometa,
donn han i des longsom gsteigat späta
und gfoahrn bin i eh nur bei guatn Wetta.
Untawegens hot ma vüll Zeit, des is gwiß,
weshoib mir donn aa wos eingfolln is:
Wall i fir schwar kronke Kinda sommeln tua,
und Spendn kriagt ma jo eh nia gnua –
do bitt i eich schen, gebts hoit aa wos dazua!